Siz bekorga mashinada yuvishga qo‘rqqan 7 ta buyum

Vannaxona uchun pardalar, sport oyoq kiyimlari, bolalar o‘yinchoqlari va boshqa narsalarni kir yuvish mashinasida bemalol yuvish mumkin.

1. Yumshoq o‘yinchoqlar

Har bir o‘yinchoqni alohida maxsus xaltachalarga qo‘ying va sovuq suvda yuving. Kir yuvish vositasini esa belgilangan me’yorning yarmini soling. Keyin yana bir marta chayqang va quriting.

2. Tutqichlar

Oshxonadagi qo‘lqoplar va tutqichlarni oshxona sochiqlari bilan birga odatdagi rejimda yuving.

3. Krossovkalar

Iplarini oling va ularni xaltachalarga qo‘ying — shunda ular aralashib ketmaydi. Endi esa pataklarini chiqarib oling va krossovkalarni mashina ichiga soling. Yuvish paytida taqillatib tovush chiqarmasliklari uchun, ular bilan birga bir nechta sochiqlar ham qo‘ying. Kir yuvish kukunini odatdagi miqdorda, yoqimsiz hidlardan qutulish uchun esa — biroz sirka qo‘shing. Avaylab va sovuq suvda yuvadigan rejimni tanlang.

4. Yostiqlar

Bir yo‘la ikkitadan yostiqni iliq suvda va avaylab yuvadigan rejimda yuving. Qo‘shimcha chayqash va siqish rejimini yoqishni unutmang. Yostiqlar yumshoq bo‘lishi uchun quritish vaqtida mashina ichiga bir nechta maxsus rezina koptokchalar qo‘ying.

5. Vannaxona uchun plastik pardalar

Uni sovuq suvda odatdagicha miqdordagi kir yuvish kukuni bilan va mashina ichiga bir nechta sochiqchalar solib yuving.

6. Ryukzak

Cho‘ntaklaridagi hamma narsalarni chiqaring. Keyin ryukzakni maxsus qopchaga yoki yostiq jildiga soling va sovuq suvda avaylab yuvadigan rejimda, biroz kir yuvish kukuni bilan yuving. Ochiq havoda quriting.

7. Vannaxonadagi gilamcha

Avval gilamchani tashqarida yaxshilab qoqing, keyin esa hammom sochiqlari bilan birga mashinaga soling. Sovuq suvda avaylab yuvadigan rejimda odatdagicha me’yordagi kir yuvish kukunining yarmi bilan yuving, ochiq havoda quriting. Rezinali gilamchalarni quritgichda quritish mumkin emasligini unutmang.

Manba: “Layfxaker”