Angliya Premyer-Ligasi klublari 5-tur bellashuvlarini yakunladi.
Mazkur turda eng yirik ikki natijani Manchester shahri vakillari qayd etib berdi. “Uotford” mehmoni bo‘lgan “Siti” raqibi darvozasiga javobsiz 6 ta gol urishga erishdi. Bunda argentinalik Serxio Agueroning xizmatlarini alohida e’tirof etish kerak. Shu kuni u xet-trik muallifiga aylandi.
“Yunayted” esa o‘z uyida “Everton”ga imkoniyat qoldirmadi — 4:0. O‘tgan mavsumda “Everton” sharafini himoya qilgan Romelu Lukaku sobiq jamoasi darvozasiga gol urdi. Sobiq “mankunian” Ueyn Runi esa 82-daqiqaga qadar maydonda to‘p surdi. Aynan u chiqib ketganidan so‘ng mezbonlar 3 ta gol urib, hisobni yirik ko‘rinishga olib keldi.
London yetakchilari golsiz duranglar qayd etdi. Derbida “Chelsi” o‘z uyida “Arsenal”ni taslim qila olmadi. “Tottenhem” esa “Suonsi”ga qarshi o‘yinda gol ura olmadi.
Mazkur turda Yurgen Klopp boshqaruvidagi “Liverpul” ham 2 ochko boy berdi.
Angliya Premyer-Ligasi 5-tur bellashuvlari 15-sentabr, juma
“Bornmut” — “Brayton” 2:1
Gollar: Solli March, 55 (0:1). Endryu Surman, 67 (1:1). Jermeyn Defo, 73 (2:1).16-sentabr, shanba
“Kristal Pelas” — “Sautgempton” 0:1
Gollar: Stiven Devis, 6 (0:1).“Liverpul” — “Byornli” 1:1
Gollar: Skott Erfild, 27 (0:1). Muhammad Saloh, 30 (1:1).“Nyukasl” — “Stok Siti” 2:1
Gollar: Ayose Peres, 19 (1:0). Jerdan Shakiri, 55 (1:1). Jamal Laskelles, 68 (2:1).“Xaddersfild” — “Lester” 1:1
Gollar: Loran Depuatr, 46 (1:0). Jeymi Vardi, 50-pen (1:1).“Uotford” — “Manchester Siti” 0:6
Gollar: Serxio Aguero, 28 (0:1). Serxio Aguero, 31 (0:2). Gabriel Jezus, 37 (0:3). Nikolas Otamendi, 63 (0:4). Serxio Aguero, 81 (0:5). Rahim Sterling, 89-pen (0:6).“Vest Bromvich” — “Vest Hem” 0:0
“Tottenhem” — “Suonsi” 0:0
17-sentabr, yakshanba“Chelsi” — “Arsenal” 0:0
Chetlatish: David Luis, 87 (Ch).“Manchester Yunayted” — “Everton” 4:0
Gollar: Antonio Valensiya, 4 (1:0). Genrix Mxitaryan, 84 (2:0). Romelu Lukaku, 89 (3:0). Antoni Marcyal, 90+2-pen (4:0).
Izoh (0)