O‘zbekiston va Qozog‘iston rahbarlari ikki mamlakat munosabatlarining yangi bosqichi boshlanganini ma’lum qildi

O‘zbekiston va Qozog‘iston rahbarlari ikki mamlakat munosabatlarining yangi bosqichi boshlanganini ma’lum qildi. Bu haqda Kazakhstan Today xabar bermoqda.

Ilgariroq xabar qilinganidek, Nursulton Nazarboyevning Toshkentga tashrifi yakunlandi. Nursulton Nazarboyev Shavkat Mirziyoyev hamrohligida Mustaqillik maydoniga tashrif buyurdi. Prezidentlar poytaxtdagi Shayx Xovandi Tohur va To‘labiy maqbaralarini ziyorat qildi. O‘zbekistonning Birinchi Prezidenti Islom Karimov haykali poyiga gul qo‘ydi. “O‘zekspomarkaz”da tashkil etilgan Qozog‘iston milliy mahsulotlari ko‘rgazmasi bilan tanishdi.

Tashrif yakunida Nursulton Nazarboyev va Shavkat Mirziyoyev OAV uchun brifing o‘tkazdi. Tadbir chog‘ida ular birodar mamlakatlar munosabatlarining yangi bosqichi boshlanganini tasdiqladi.

Shuningdek, prezidentlar “O‘zbekiston – Qozog‘iston: hamkorlikning yangi bosqichi” mavzuidagi sanoat ko‘rgazmasida bo‘lib, u yerda qozog‘istonlik ishlab chiqaruvchilar mahsulotlari bilan tanishdi.