O‘zbekiston Davlat statistika qo‘mitasi ma’lumotlariga ko‘ra, mamlakatda 2005—2016-yillarda asosiy inflyatsiya omili nooziq-ovqat mahsulotlar va xizmatlar narxining oshishi bo‘lgan, deb yozadi “Nuz.uz”.
Shuningdek, rasmiy statistika qayd etishicha, nooziq-ovqat omilining inflyatsiyaga ta’siri ulushi 2005-yildagi 19 foizdan 2016-yilda 60,4 foizgacha ko‘paygan.
Tahlilchilar kuzatgan guruhga nooziq-ovqat mahsulotlarining 11 ta turi — avtomobillar uchun yoqilg‘i, shaxsiy transport, qurilish materiallari, shaxsiy gigiyena mahsulotlari, kiyim-kechak, maishiy tovarlar va elektr uskunalar, to‘qimachilik mahsulotlari, oshxona buyumlari, oyoq kiyim, tamaki mahsulotlari va madaniy mollar kirdi.
Yillik o‘rtacha narxning eng sezilarli o‘sishi avtomobil yoqilg‘isi (yillik o‘rtacha o‘sish 18,1 foiz), shaxsiy transport (10,5 foiz) va qurilish materiallari (7,5 foiz)da kuzatilgan.
Izoh (0)