OAV: Parij yaqinida avtomobil pitssa binosiga bostirib kirdi, jabrlanganlar bor

Fransiyaning Sena va Marna departamentidagi La-Ferte-Su-Juar kommunasida noma’lum shaxs avtomobilni boshqargan holda pitssa binosiga bostirib kirishi oqibatida bir kishi halok bo‘ldi, yana kamida besh kishi jarohat oldi. Bu haqda BMF TV’ga tayanib, “Gazeta.ru” xabar berdi.

Noxush hodisa 14-avgust, dushanba kuni kechasi sodir bo‘lgan. Ma’lumotlarga qaraganda 8 yoshli qizaloq halok bo‘lgan.

Avtomobil haydovchisi voqea joyida qo‘lga olingan.

U nima sababdan bu ishni qilgani hozircha noma’lum, tergov ishlari davom etmoqda.