Farg‘ona viloyati Quva tumanida 2017-yil 7-avgust kuni ichki ishlar xodimlari tomonidan o‘tkazilgan tadbir davomida F.X.ning xonadonida besh kilogramdan ortiq nasha o‘smligi borligi aniqlandi. Bu haqda Farg‘ona viloyat IIB xabar berdi.
Aniqlanishicha, xonadonning mehmonxonasida quritib qo‘yilgan 14 tup, bolaxonasida 16 tup va so‘ridagi to‘shaklar tagida 6 dona qog‘ozga solib qo‘yilgan jami og‘irligi 5.23 kilogramm nasha o‘smligi bo‘lgan. Ular daliliy ashyo sifatida olingan.
Mazkur holat yuzasidan F.X.ga nisbatan Quva tumani IIB tomonidan O‘zbekiston Respublkasi Jinoyat Kodeksining 276-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.
Izoh (0)