Ravshan Haydarov boshqaruvidagi O‘zbekiston U23 terma jamoasi Amirliklardagi saralashning oxirgi o‘yinida zafar quchmasa, 1-o‘rinni qo‘ldan boy beradi.
Kecha — 17-iyul kuni 2-tur uchrashuvlari o‘z yakuniga yetdi. Unda o‘zbekistonlik futbolchilar Nepal ustidan 2:0 hisobida zafar quchgan bo‘lsa, saralash mezboni BAA Livanni taslim qildi — 1:0.
Shu tariqa Nepal va Livan termalarining Osiyo chempionatiga bora olmasligi aniq bo‘ldi. To‘g‘ridan-to‘g‘ridan yo‘llanma uchun BAA va O‘zbekiston termalari ertaga — 19-iyul kuni maydonga chiqib keladi.
To‘plar nisbatiga ko‘ra Amirlik termasi guruh peshqadami bo‘lib turibdi. Shu boisdan ehtimoliy durang natija mezbonlarni qanoatlantiradi. 10 ta guruhda eng yaxshi 5 ta 2-o‘rin egalari ham Xitoydagi qit’a chempionatiga yo‘l olinishi inobatga olinsa, ehtimoliy durang O‘zbekiston uchun ham yetarli bo‘lishi mumkin. Mag‘lubiyat esa Ravshan Haydarov jamoasining imkoniyatlarini biroz kamaytiradi.
Asian Championship U23 Saralash. “D” guruhi. 2-tur 17-iyul, dushanba
Izoh (0)