5-iyul kuni Yuqori Chirchiq tumani IIBga ushbu tumanda yashovchi, “O‘zbekiston temir yo‘llari” boshqarmasining yetakchi muhandisi Aziz Komilov (ismlar o‘zgartirilgan) ariza bilan murojaat qilib, joriy yilning 2-iyul kuniga o‘tar kechasi noma’lum shaxs hech kim yo‘qligidan foydalanib uyi oldida qarovsiz qolgan o‘ziga tegishli Cobalt rusumli avtoulovidan umumiy narxi taxminan 5 million so‘m bo‘lgan 4 ta g‘ildiragini disklari bilan yechib, o‘g‘irlab ketganligini ma’lum qilgan, deb xabar berdi Toshkent viloyati IIB matbuot xizmati.
Olib borilgan tezkor chora-tadbirlar natijasida ushbu jinoyatni Zangiota tumanida yashovchi, vaqtincha ishsiz, 1991-yilda tug‘ilgan O. T va Toshkent shahri Olmazor tumanida yashovchi, vaqtincha ishsiz, 1990-yilda tug‘ilgan R. M. sodir etganligi aniqlanib, qo‘lga olindi.
Ularga nisbatan O‘zbekiston Respublikasi Jinoyat Kodeksining tegishli moddalari bilan jinoyat ishi qo‘zg‘atildi.
Izoh (0)