Shimoliy Koreya 4-iyul kuni uchirgan ballistik qurilma o‘rta masofaga mo‘ljallangan raketa sifatida talqin qilinishi mumkin. Rossiya BMT Xavfsizlik kengashida 8-iyul, shanba kuni mamlakat mudofaa vazirligining shu haqdagi xabarini tarqatdi, deya ma’lum qildi “Interfaks”.
Agentlikning xalqaro tashkilot shtab-kvartirasidagi manbasiga ko‘ra, Rossiya tomoni mudofaa vazirligining Shimoliy Koreya 4-iyulda Tonchadon poligonidan o‘rta masofadagi ballistik raketani uchirganligi haqidagi ma’lumotlarni taqdim etdi.
Bundan oldinroq AQShning BMTdagi doimiy vakili Nikki Xeyli Xavfsizlik kengashining Shimoliy Koreya bo‘yicha yig‘ilishida Qo‘shma Shtatlar KXDR aynan qit’alararo ballistik raketa uchirganini isbotlash uchun Rossiya bilan razvedka ma’lumotlarini bo‘lishiga tayyorligini bildirgandi.
Izoh (0)