Tojikiston mezbonlik qilgan CAFA Boys Tournament musobaqasi o‘z yakuniga yetdi. Unda O‘zbekiston sharafini himoya qilgan Aleksandr Mochinov boshqaruvidagi o‘smir futbolchilar 2-o‘rin bilan kifoyalandi.
O‘zbekistonlik futbolchilar dastlabki uch tur davomida Qirg‘iziston (2:1), Turkmaniston (6:2) va Tojikiston (2:1) termalarini mag‘lub etishga muvaffaq bo‘lgandi. Musobaqa g‘olibi nomini aniqlab beradigan o‘yinda ular Afg‘onistonga imkoniyatni boy berib qo‘ydi — 2:3.
Afg‘onistonlik futbolchilar Turkmanistondan 0:1 hisobida yengilib, so‘nggi tur oldidan ahvolini biroz og‘irlashtirgandi. Ya’ni, so‘nggi bellashuvda o‘zbekistonlik futbolchilarni durang natija ham qanoatlantirardi. Ammo bu borada Afg‘oniston o‘smirlari ilg‘orroq chiqib, g‘alabani ilib ketdi.
CAFA Boys Tournament Dushanbe, Tojikiston 8-iyul, shanba
O‘zbekiston U15 — Afg‘oniston U15 2:3
Gollar: Samir Samandariy, 6 (0:1). Husayn Norchayev, 39 (1:1). Ahmad Tamim Mirzoda, 48 (1:2). Sayes Afhor Husayniy, 78 (1:3). Alibek Davronov, 83 (2:3).
Izoh (0)