Rossiya va Mo‘g‘uliston chegarasidagi to‘siq oldida yuzaga kelgan tiqilinch oqibatida 200 ga yaqin antilopa halok bo‘ldi. Bu haqda Daur qo‘riqxonasi direktori Vadim Kirilyuk ma’lum qildi, deya xabar beradi “TASS”.
“Rossiya tomoniga o‘tishga intilib to‘siq oldida Mug‘ulistondan kamida 30 mingga yaqin antilopa to‘planib qoldi. Ular o‘z manzilidan qurg‘oqchilik va yong‘inlar tufayli ko‘chgandi. Yuzaga kelgan tiqilinch oqibatida 200 ga yaqin antilopa, asosan bolalar halok bo‘ldi”, — deb ta’kidladi Vadim Kirilyuk.
Qo‘riqxona rahbariga ko‘ra, chegara to‘sig‘i jonivorlarni uni oshib o‘tishga kuch sarflashga majbur qildi. Vaziyatni antilopalarning haddan ziyod ko‘pligi, tikanli simdan o‘tishga qaratilgan ko‘p sonli harakatlar murakkablashtirdi.
“Qizil kitob”ga kiritilgan jonivorlar halokatiga jazirama ham sabab bo‘lgani bildirilmoqda.
Izoh (0)