Pavel Durov Rossiya aloqa, axborot texnologiyalari va ommaviy kommunikatsiyalar sohalaridagi nazorat federal agentligi (“Roskomnadzor”) rahbari Aleksandr Jarovni “2017-yilda kommunikatsiyalar qanday shifrlanishini bilmaslik”da aybladi. Bu haqda Meduza xabar bermoqda.
Telegram asoschisi Jarovning messenjerni Rossiyada ro‘yxatdan o‘tkazish to‘g‘risidagi talabiga shu tariqa izoh berdi. Servisdan shundan so‘ng foydalanuvchilarning shaxsiy yozishmalari shifrini yechish uchun maxsus xizmatlarga kalit taqdim etish so‘raladi.
Durov, garchi Telegram “maxfiy chatlar” texnologiyasida “pioner” sanalgan bo‘lsa-da, biroq hozir bunday xizmatni Rossiyada undan ham ommaviyroq bo‘lgan WhatsApp va Viber, shuningdek, Apple iMessage va Facebook Messenger ham taqdim etishini eslatdi.
“Telegram blokirovka qilinishi terrorchilar va narkodilerlar vazifasini murakkablashtirmaydi, ular boshqa messenjerlarga o‘tib ketishi yoki VPN dan foydalanishi mumkin. Terrorizmni blokirovka yordamida mag‘lub etish uchun internetni blokirovka qilishga to‘g‘ri keladi”, — ta’kidladi Durov.
Eslatib o‘tamiz, oldinroq Rossiya FXX Sankt-Peterburg metrosidagi terakt Telegram messenjeri yordamida tayyorlanganini ma’lum qilgandi.
Izoh (0)