Iroq armiyasining maxsus mo‘ljal otryadlari Mosul shahrining tarixiy qismidagi al-Faruq kvartalini jangarilar boshqaruvidan ozod qildi. Bu haqda operatsiya qo‘mondoni general Abdul Amir Yaralla bayonot berdi, deb xabar qiladi “TASS”.
Aytilishicha, al-Faruq eski shaharning terrorchilardan butunlay ozod qilingan birinchi kvartalidir. Shu yerda an-Nuri masjidi joylashgan — uch yil muqaddam Abu Bakr al-Bag‘dodiy aynan shu yerdan turib xalifalik tuzishini e’lon qilgan edi.
Ushbu inshoot Iroq armiyasining bostirib kelishi asnosida terrorchilar tomonidan portlatib yuborilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)