Bugun,

  • USD 11095.31
  • RUB 173.84
  • EUR 10772.44

AdMe insoniyatda hamon ishonch va umid borligini isbotlovchi voqealarni taqdim etishga qaror qildi.

  1. Kanadada aviatarmoqlar 80 ming kishini ularning uy hayvonlari bilan birga evakuatsiya qildi

    Foto: AdMe

    Foto: AdMe
O‘rmon yong‘inlari Fort Mak-Myurreyni dunyodan uzib qo‘yganda ommaviy evakuatsiya boshlandi. Bir necha o‘n minglab odam imkon boricha tezroq shaharni tark etishi lozim edi. Uy hayvonlarichi? Ularni samolyotda o‘zi bilan birga olish uchun bir qancha hujjat talab qilinadi. Aviatarmoq rahbariyati uy hayvonlarini ortiqcha qog‘ozlarsiz o‘zi bilan birga olishga ruxsat berdi.
  1. Futbol jamoasiga qo‘shilishni istagan yigit barcha anjomlarga ega bo‘ldi

    Foto: AdMe

    Foto: AdMe
Bu surat insoniyat uchun g‘ururlanish hissini uyg‘otadi. Marko futbol bo‘yicha maktab jamoasiga qo‘shilishni orzu qilardi. Biroq uning oilasi sportzal uchun abonement yoki trenajyorlar imkoniyatiga ega emas edi. U taslim bo‘lmadi va jismoniy holatini yaxshilash uchun mana shu usulni o‘ylab topdi. Tasodifiy o‘tkinchi tomonidan olingan uning surati ijtimoiy tarmoqda paydo bo‘lishi bilan Marko va uning oilasi hayoti o‘zgarib ketdi. Butun dunyodan odamlar unga sport jihozlari va qo‘llab-quvvatlovchi tilaklarni yubora boshladi.

Foto: AdMe

Foto: AdMe
  1. Portugaliyalik bolakay Fransiyaning yig‘layotgan muxlisini yupatdi

    Foto: AdMe

    Foto: AdMe
BBC kanalining videosini allaqachon bir necha million kishi tomosha qildi. Unda Fransiya termasining xafa bo‘lgan muxlisiga Portugaliya o‘yinchisi formasidagi o‘g‘il bola yaqinlashib, erkakning yelkasiga qoqib qo‘yadi, keyin esa uni quchoqlaydi. Voqea futbol bo‘yicha Yevro-2016 finalida Portugaliya terma jamoasi Fransiya termasini mag‘lub qilgandan so‘ng yuz bergan. Sportdagi qarama-qarshilik va qizg‘inlik ham inson ekanligimizni yodda tutishga xalaqit bermasligi kerak.
  1. Chiqindi tashuvchi mashina haydovchisi yil davomida derazadan unga qo‘l silkitgan qizaloqni tug‘ilgan kuni bilan tabrikladi

    Foto: AdMe

    Foto: AdMe
Haftaning har payshanba kuni Bruklin ismli qizaloq chiqindi tashuvchi mashina haydovchisiga qo‘l silkitishga odatlandi. Haydovchi ham unga javoban qo‘l silkitar va salomlashish tariqasida bir necha marta signal chalib qo‘yardi. Qizaloqning tug‘ilgan kuni ham payshanbaga to‘g‘ri keldi va u onasiga kulib turadigan haydovchini keks bilan mehmon qilish istagi haqida ma’lum qildi. Bu safar haydovchini qizchaning onasi to‘xtatdi va haydovchi kichkina do‘stini tug‘ilgan kuni bilan tabrikladi. U o‘z vazifasini bajarish uchun yo‘lida davom etar ekan, qizaloq onasiga qanchalik baxtli ekanligini ma’lum qildi.

Foto: AdMe

Foto: AdMe
  1. Maktab o‘quvchilari avtohalokatga uchragan sinfdoshi uchun bitiruv oqshomini qayta o‘tkazdi

    Foto: AdMe

    Foto: AdMe
Skott Dann hushiga kelganda birinchi navbatda onasidan: “Bugun nechchinchi sana? Nahotki bitiruv oqshomini o‘tkazib yuborgan bo‘lsam?” — deb so‘radi. Yigit bu kunni sabrsizlik bilan kutgan, biroq avtohalokat tufayli shifoxonaga tushib qolgan edi. Uning ahvoli yaxshilanib, maktabga chiqqan kuni bayram sadolari va tabrik so‘zlari qaytadan jarangladi. Biroq bu safar faqat bitta diplom topshirildi.
  1. Tug‘ilgan kuniga hech kim kelmagan qizni butun dunyo qo‘llab-quvvatladi

    Foto: AdMe

    Foto: AdMe
Facebook foydalanuvchilaridan biri tug‘ilgan kuniga hech kim kelmagan singlisi suratini ijtimoiy tarmoqqa joyladi va unga shunchaki otkritka yuborishni iltimos qildi. Xeyli 18 yoshini yolg‘iz nishonladi, biroq ertasi kuni otkritka va sovg‘alar uning pochta qutisiga suv toshqini kabi yopirildi.

Foto: AdMe

Foto: AdMe
  1. Talabalar uy hayvoni halok bo‘lgan o‘qituvchisiga mushukchalar sovg‘a qildi

    Foto: AdMe

    Foto: AdMe
Texaslik o‘qituvchi eng yaqin uy hayvoni Blondi ismli mushugi vafotidan juda siqildi. O‘quvchilar matematika o‘qituvchisi har tanaffusda ko‘z yosh to‘kayotganini payqadi. Ular o‘qituvchisiga oq atirgullar guldastasi va ikkita mushukchani sovg‘a qilganda ayolning qayg‘u yoshlari sevinch yoshlariga aylandi.
  1. Boshlang‘ich maktab o‘qituvchisi to‘liq bo‘lmagan oilalar o‘g‘il bolalari uchun “Jentlmenlar klubi”ni tashkil etdi

    Foto: AdMe

    Foto: AdMe
Janubiy Karolina boshlang‘ich sinflarining o‘qituvchisi o‘z sinfidagi bezori bolalar bilan kelishish yo‘lini topdi. U bir nechta bo‘yinbog‘ va pidjaklar xarid qildi va har hafta eng to‘polonchi bolalarni to‘play boshladi. O‘z darslarida esa otalar o‘z o‘g‘illariga o‘rgatadigan narsalar: bo‘yinbog‘ bog‘lash, kattalar bilan muomala qilish qoidalari, ona, buvi yoki singillariga g‘amxo‘rlik qilish kabilar  haqida hikoya qildi. O‘qituvchi smoking kiygan bola hech qachon janjal chiqarmasligiga ishonadi. “Ular yomon bo‘lganligi uchun emas, e’tibor va g‘amxo‘rlik yetishmaganligi uchun o‘zlarini yomon tutadi”, — deydi u.
  1. Yaguar Braziliya armiyasi polkining o‘g‘liga aylandi

    Foto: AdMe

    Foto: AdMe
Braziliya armiyasi askarlari Amazonka changalzorlaridan kichkina yaguarni topib olganda u arang tirik qolgan edi. Ular hayvonni o‘zlari bilan olib ketishga qaror qildi. Mahalliy hukumat yaguarni armiyada qoldirishga ruxsat berdi. Hozirda Jikitaya nomini olgan yaguar uni o‘limdan saqlab qolgan kishilar orasida.
  1. Styuardessa insultni boshdan kechirgan erkakni ovqatlantirib qo‘ydi

    Foto: AdMe

    Foto: AdMe
Yaqinda insultni boshdan kechirgan 71 yoshli erkakka samolyotning birinchi qatoridan qulay kreslo ajratishdi. Biroq tushlik tarqatgan styuardessa yo‘lovchi qoshiqni tuta olmayotganligini payqadi. Shunda u erkakni ovqatlantirib qo‘ydi va begona odamning g‘amxo‘rligidan yig‘lab yuborgan erkakning ko‘z yoshlarini artib qo‘ydi.

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova