Rossiyada joriy yil 1-iyunidan xorijiy haydovchilik guvohnomalari bilan ishlash man etildi. Bu haqda Meduza xabar bermoqda.
Mazkur taqiq 2013-yildayoq ma’qullangan, biroq o‘shandan beri bir necha bor keyinga surilgandi. Bunga aholisining aksariyatida faqat Ukraina haydovchilik guvohnomalari bo‘lgan Qrimning Rossiya tarkibiga qo‘shilishi ham sabab bo‘lgandi.
Endi Rossiya haydovchilik guvohnomasi bo‘lmasa, mamlakatda yollanma haydovchi bo‘lib ishlash yoki kirakashlik qilish mumkin emas. Xorijiy haydovchilik guvohnomalari bilan ishga qo‘ygan kompaniyalar 50 ming rubl (900 dollar atrofida) jarimaga tortilishi ko‘zda tutilgan.
Izoh (0)