Londonning “Arsenal” klubi fransiyalik bosh murabbiy Arsen Venger bilan shartnomani yana ikki yilga uzaytirdi. Bu haqda “Chempionat” Daily Mail nashriga asoslanib xabar berdi.
Mutaxassis muzokaralar stoliga so‘nggi bor 2014-yil o‘tirgan bo‘lib, maoshini yiliga 8,6 million yevro qilib olgandi. Endi esa Venger “Arsenal”dan har yili 9,1 million yevro maosh oladi. U “to‘pchilar” bilan birinchi shartnoma imzolagan 1996-yil 573 ming yevroga rozi bo‘lib, faoliyatini boshlagandi.
Yakuniga yetgan mavsumni “Arsenal” 5-o‘rinda yakunlab, Chempionlar ligasi yo‘llanmasini qo‘lga kirita olmadi. U bilan raqobatlashishi kerak bo‘lgan yana besh klubning barchasi kelasi mavsumni Chempionlar ligasida o‘tkazadi.
Shunga qaramay, “Arsenal” sovrinsiz qolib ketmadi. Angliya kubogining finalida “Chelsi”ni taslim qilgan “kononirlar” bosh mukofotga ega chiqdi.