London politsiyasining aksilterror bo‘linmasi xodimlari Stansted aeroportida teraktlarga tayyorgarlikda gumon qilingan 37 yoshli erkakni qo‘lga oldi. Bu haqda “TASS” xabar bermoqda.
Skotlend-yard rasmiy saytida joylashtirilgan xabarga ko‘ra, erkak 23-may, seshanba kuni kechki payt, Turkiyaga yo‘l olayotgan samolyotga chiqishga hozirlik ko‘rayotganda qo‘lga olindi.
Operatsiya uning Suriyaga borish ehtimoli tufayli amalga oshirilganligi, Manchesterdagi terakt bilan bog‘liq emasligi bildirilmoqda.
Erkak politsiya uchastkasiga keltirildi. Hozirda zobitlar Londonning shimoliy qismidagi ikki manzilda tintuv o‘tkazmoqda.
Izoh (0)