IShID terrorchilik guruhi jangarilari Frotda joylashgan Dura-Yevropos shaharchasidagi qadimiy haykallarni vayron qildi, deb yozadi “TASS”. Terrorchilar saytlarida ular qadimiy haykallar va barelyeflarni bolg‘alar bilan buzayotgani aks etgan video paydo bo‘ldi.
Dura-Yevropos Bu-Kemal shahridan g‘arbdagi Kalaat-as-Solihiya aholi punkti yonida joylashgan. Eramizdan avvalgi 300-yillarda Selevk 1 Nikator tomonidan qurilgan qal’a 165-yilda Rim qo‘liga o‘tgan. U yerda topilgan yodgorliklarning ko‘pchiligi antik davrga tegishli.
Urushga qadar qazish ishlari olib borilgan joyda ochiq osmon ostidagi muzey tashkil qilingan edi, uni IShID varvarlari talon-taroj qilib ketdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)