Xitoyda davlat tashrifi bilan bo‘lib turgan Shavkat Mirziyoyev 13-may kuni Pekinda Xitoy bosh vaziri Li Ketsyan bilan uchrashdi.
Uchrashuv Pekindagi Butunxitoy xalq vakillari kengashi binosida bo‘lib o‘tgani aytilmoqda. Tadbirdan suratlar Getty agentligi tomonidan e’lon qilingan.
Avvalroq O‘zbekiston Prezidenti Xitoyga tashrifi davomida Xitoy rahbari Si Szinpin, bosh vaziri Li Ketsyan, Xalq vakillari Umumxitoy Majlisi Doimiy qo‘mitasi raisi Chjan Detszyan va boshqa rahbarlar bilan uchrashishi haqida xabar berilgan edi.
Muzokaralarda o‘zaro munosabatlarning bugungi holati va istiqbollari, O‘zbekiston va Xitoy o‘rtasidagi uzoq muddatli hamkorlikni mustahkamlash va izchil rivojlantirishning ustuvor yo‘nalishlari muhokama etilishi, tomonlar mintaqaviy va xalqaro dolzarb masalalar yuzasidan ham fikr almashishi ko‘zda tutilgan edi.
Izoh (0)