Dunyodagi 14 ta eng xavfli yo‘l (fotogalereya)

AdMe dunyoning ko‘ngilochar istirohat bog‘laridagi har qanday qo‘rqinchli attraksionlarni ortda qoldiruvchi tasavvurga sig‘maydigan yo‘llari bilan tanishtirdi.

Guolyan tunneli, Xitoy

1970-yillarda Guolyan qishlog‘i aholisi o‘z kuchi bilan ushbu tunnelni qazidi va faqat qo‘l asboblaridan foydalanib, undan “darcha”lar ochdi.

Relslar ustida joylashgan Meklong bozori, Tailand

Poyezd ovozi eshitilishi bilan, savdogarlar soniyalar ichida mahsulotlarini chetga oladi, soyabonlarni yopib, 15 km/soat tezligida harakatlanayotgan poyezdni o‘tkazib yuboradi.

Yungas-roud, Boliviya

Dengiz sathidan 3300 metr balandlikdan 360 metr balandlikkacha tushgan yo‘l ko‘plab egri chizilarni hosil qiladi. Yo‘l juda tor bo‘lsa-da, u orqali hatto yuk mashinalari ham harakatlanadi.

Eyr shossesi, Avstraliya

Avstraliyada joylashgan 1660 kilometrlik ushbu shosseda juda ko‘p halokatlar sodir bo‘ladi. Sababi esa juda oddiy: bu yerda manzaralar shunchalik bir xil va zerikarliki, haydovchilar mashina boshqarayotib uxlab qoladi.

“Iblis burni” temir yo‘li, Ekvador

“Iblis burni” temir yo‘li 800 metr balandlikka ko‘tarilgan shu nomli qoyada joylashgan. Shu paytgacha sayyohlarga bu yerda qatnaydigan vagonlar tomida ketishga ruxsat berilar edi, bugungi kunda esa bu taqiqlangan.

Pamban temir yo‘l ko‘prigi, Hindiston

1964-yilda ko‘prik kuchli shamollar natijasida vayron bo‘lgan, shu tufayli, shamol tezligi 55 km/soatdan oshgan vaqtlarda bu yerdan o‘tayotgan poyezdlarga ehtimoliy xavf haqida ogohlantiruvchi signal beriladi.

Qoraqurum shossesi, Pokiston—Xitoy

Ba’zi hududlari 4600 metr balandlikkacha chiqadigan 1300 kilometrli Qoraqurum shossesi yozda yomg‘irlar tufayli yer ko‘chkilariga moyil bo‘ladi, qishda esa ob-havo sharoitlari va qor ko‘chishi xavflari tufayli shosse butunlay yopiladi.

Passaj dyu Gua, Fransiya

Suv ko‘tarilgan paytda yo‘l 4 metr suv tagida qoladi, ikki kecha-kunduzdan so‘nggina yana harakatlanish uchun ochiladi.

Lex-Manali shossesi, Hindiston

Juda tor yo‘l 4—5 km balandlikdagi bir nechta baland tog‘ dovonlaridan o‘tadi.

Tyanmen tog‘idagi yo‘l, Xitoy

99 ta muyulishdan iborat 11 kilometrli yo‘l Tyanmen tog‘i cho‘qqisida joylashgan budda ibodatxonasiga olib boradi. Ba’zi joylarda muyulishlar orasidagi masofa 200 metrdan ham kam, shu tufayli haydovchilar o‘ta diqqatli bo‘lishi kerak.