Shakar Navro‘zova Buxoro viloyat xotin-qizlar qo‘mitasi raisiga aylandi

Buxoro viloyatida 4-may kuni hududiy xotin-qizlar qo‘mitasining boshqaruv yig‘ilishi bo‘lib o‘tdi. Bu haqda viloyat hokimligi axborot xizmati xabar bermoqda.

Xabar berishlaricha, yig‘ilishda tashkiliy masala ko‘rilgan.

Shu vaqtgacha Buxoro davlat tibbiyot instituti bolalar kasalliklari va neonatologiya kafedrasi mudiri vazifasida ishlab kelayotgan Shakar Navro‘zova viloyat xotin-qizlar qo‘mitasi raisligiga saylandi.

“Yig‘ilishda viloyat hokimi O‘. Barnoyev qatnashdi va so‘zga chiqdi”, — deyiladi hokimlik axborotida.