Amber Palm kompaniyasi 27-aprel, payshanba kuni Burj Al Arab mehmonxonasida qiymati bir million dollarlik ko‘chma “qahrabo toshli ixcham masjid”ni namoyish etdi, deb xabar berdi UAE Inside.
Ko‘chma qahraboli masjid — ikki kishi sig‘ishi mumkin bo‘lgan, asosan qahrabo plitka va yog‘ochdan ishlangan kichkina xona.
Shaffof qahrabo yoritish tizimiga egaligi sabab, tuzilma to‘q sariq, qizil-jigarrang hamda sariq rangning mayin tovlanishini namoyon qiladi. Yuqori qismidan masjidlar arxitekturasining asosiy xususiyati — gumbazsimon markaziy tuzilma bilan yarim oy o‘rin olgan. Xonaning ichiga gilam to‘shalgan, markaziy devorda esa islom kalligrafiyasi tasvirlangan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)