Yangi Zelandiyada akula Fransiyadan tashrif buyurgan sayohatchi ayolga hujum qildi. Bu haqda 27-aprel kuni Otago Daily Times nashri xabar bermoqda.
Ayol yigiti va do‘stlari bilan Kurio ko‘rfazida syorfing bilan shug‘ullanayotgan edi. U syorfing taxtasi ustida yotganida yirtqich kutilmaganda uning oyog‘idan tishlab oldi.
Jarohatlangan ayolning do‘stlari uni plyajga olib chiqib, voqea joyiga vertolyot yetib kelguniga qadar akula tishlari tomonidan qoldirilgan chuqur yarasini ushlab turdi.
Hodisa guvohiga aylangan syorfing maktabi rahbarining aytishicha, ayol hushini yo‘qotmagan va xotirjamlikni saqlagan edi. Akulaning tishlari sayyohning arteriyalariga tegmagani uchun ayol ko‘p qon yo‘qotmadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!