Uzreport professional boksning super-og‘ir vaznidagi sportchilari — Vladimir Klichko va Entoni Joshua o‘rtasidagi chempionlik jangini jonli efirda namoyish etish huquqini qo‘lga kiritdi. Bu haqda telekanalning ijtimoiy tarmoqlardagi sahifalari ma’lumot berdi.
29-aprel kuni 2017-yilning boksdagi muhim voqealaridan biri ro‘y beradi. Unda so‘nggi yillarda ushbu vaznda mutlaq yetakchilik qilayotgan Vladimir Klichko hamda ayni vaqtda IBF yo‘nalishida jahon chempioni va hali biror marta mag‘lubiyatga uchramagan Entoni Joshua o‘zaro ringga chiqadi. Boks kechasi Londondagi “Uembli” stadionida bo‘lib o‘tadi.
Bu voqeaga bo‘lgan katta qiziqishni inobatga olgan Uzreport telekanali Klichko — Joshua jangi va shu kechada o‘tkaziladigan boshqa janglarni jonli efirda translyatsiya qiladi.
Izoh (0)