“Laskoviy may” guruhi prodyuseri Andrey Razinning o‘g‘li 16 yoshida vafot etdi

1980-yillarda mashhur bo‘lgan Rossiyaning “Laskoviy may” guruhi prodyuseri va sobiq yakkaxoni Andrey Razinning o‘g‘li 16 yoshida vafot etdi. Bu haqda artistning turmush o‘rtog‘i Natalya Grozovskaya Facebook’dagi sahifasida ma’lum qildi.

Natalya Grozovskaya o‘g‘li yurak xurujidan vafot etganini ta’kidladi. O‘smir halok bo‘lganini Andrey Razin ham tasdiqladi. U o‘g‘li bilan tushgan so‘nggi suratini Instagram’dagi sahifasiga joyladi.

Andrey Razin 1980-yillar oxirida “Laskoviy may” guruhi prodyuseri sifatida tanilgan. Uning o‘zi ham guruhda bir nechta qo‘shiqlar ijro etgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!