Interyer modasi unchalik ham o‘zgaruvchan emas, ammo qandaydir ommabop dizaynerlik yechimi o‘z dolzarbligini yo‘qotgan bo‘lsa, bu uzoq davom etadi. Demak, eskirgan trendlar ro‘yxati bilan tanishing.
Oq rangli interyer
Biz uni nafis, yengil va universal deb atagandik, endi esa u… zerikarli ko‘rinadi.O‘rnini nima bilan almashtirish mumkin? Bir tusli interyerimizga yorqin va to‘q bo‘yoqlarni qo‘shamiz — oq fonda buni amalga oshirish oson. Shunda hech kim dizaynni mujmal deb atamaydi.
Oddiy mebel
Biz bir paytlar och jigarrang divanlar va karamel rangidagi qahva stollarini sotib olganmiz, ammo neytral ranglar va oddiy shakllar haqida unutish vaqti keldi.O‘rnini nima bilan almashtirish mumkin? Dizaynerlik stolchalari, yorqin va katta divanlar, ko‘plab qulay pufiklarni sotib oling — interyer standart bo‘lishi kerak emas, shunday ekan, “xarakterli” buyumlarni qidiring.
Qo‘lbola bezak
Yoki mebel. “O‘z qo‘llaring bilan yasa” degan belgili barcha narsani o‘tmishda qoldiramiz.O‘rnini nima bilan almashtirish mumkin? Qo‘lda qilingan, ammo professionallar tomonidan bajarilgan buyumlar va bezaklar. Yoki chiroyli va sifatli fabrika buyumlari.
Bezakdagi yozuvlar
Bezaklardagi “yoqimli va aqlli” yozuvlarni unuting. Tez-tez ko‘z tushadigan matn asta-sekinlik bilan o‘z ma’nosini yo‘qotadi.O‘rnini nima bilan almashtirish mumkin? Kartinalar va abstrakt bezaklar. Shiorlar va iqtiboslarga qaraganda ulardan kamroq charchaysiz.
Marmar, oq plitka
Ikkala material ham eskirgan va uyga xos shinamlikdan ko‘ra, turk hammomini eslatadi.O‘rnini nima bilan almashtirish mumkin? Iliq tusli va jonli faktirali jilosiz plitka. Mozaika haqida anchadan buyon orzu qilasizmi? Uning vaqti keldi.
Izoh (0)