Eng ko‘p ijobiy baholarga ega bo‘lgan smartfonlar ro‘yxatini AnTuTu benchmark ishlab chiquvchilari tuzdi, deb yozadi “Hi-tech.mail.ru”. Ushbu reyting yuksak darajadagi unumdorlik muvaffaqiyat garovi emasligini ko‘rsatib berdi.
Reytingda romsiz Xiaomi Mi Mix smartfoni yetakchilik qildi. U ijobiy fikrlarning 94,4 foizini to‘pladi. Ikkinchi o‘rinda 89,93 foiz natija bilan OnePlus 3, uchinchi o‘rinda uning yangilangan versiyasi OnePlus 3T (86,23%) joylashdi.
4—10-o‘rinlarni Xitoy brendlarining smartfonlari navbatma-navbat egalladi, bular — Meizu Pro 6 Plus, Huawei Mate 9, Vivo XPlay 6, Xiaomi Redmi Note 3, 360 Q5 Plus, Meizu Pro 6s va 360 N4S.
AnTuTu — asosan Xitoy smartfonlari sinovdan o‘tkaziladigan benchmark. Ammo unumdorlik sinovlarida Samsung, Apple va Xitoyniki bo‘lmagan boshqa kompaniyalar mahsulotlari reytinglarning yuqori pog‘onalarini zabt etgan edi.
Izoh (0)