Bugun,

  • USD 11095.31
  • RUB 173.84
  • EUR 10772.44

Kvebek provinsiyasi politsiyasi Kvebek-Siti shahri masjididagi terakt ijrochisi shaxsini tasdiqladi. Unga nisbatan ayblov e’lon qilindi. Bu haqda 30-yanvar, dushanba kuni CBC telekanali ma’lum qildi, deb yozadi “TASS”.

Foto: EPA

Foto: EPA

Avvalroq terakt uyushtirishda gumon qilingan ikki erkakning shaxsi ma’lum bo‘lgani haqida xabar berilgan edi.

Terakt ijrochisi 27 yoshli kanadalik Aleksandr Bissonnett ekanligi ma’lum qilindi. Unga nisbatan olti kishini o‘ldirish va besh kishini o‘ldirishga urinish (gap og‘ir yaralangan kishilar haqida bormoqda) bo‘yicha ayblov e’lon qilindi. Mazkur ish bo‘yicha ikkinchi gumondor Muhammad Xadir so‘roq qilingandan keyin qo‘yib yuborilgan va endi terakt guvohi sifatida talqin qilinmoqda.

Bissonnett masjidga hujum qilgandan keyin jinoyat joyidan avtomobilda qochib ketgan. Keyinroq o‘zi politsiyaga qo‘ng‘iroq qilgan va hibsga olingan. Uning avtomobilidan to‘pponcha va ikkita Kalashnikov avtomati topilganligi ma’lum qilinmoqda. Shuningdek, qo‘lga olingan kanadalik islom dinini qabul qilganligi haqida ma’lumot tarqalgan, biroq bu ma’lumotlar rasman tasdiqlanmadi.

Eslatib o‘tamiz, hujum oqibatida 6 kishi halok bo‘ldi. Otishma chog‘ida bino ichida, turli ma’lumotlar bo‘yicha, 40 dan 100 nafargacha kishi bo‘lgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

Izoh
Asosiy yangiliklar
Sport
Gol zavqi, Babayanning xursandchiligi va tribunadagi olqishlar. “Navbahor”ning “Olimpik”ka qarshi o‘yinidan fotogalereya
Dunyo
“Putin va Prigojinni o‘ldirishlari mumkin” — ekspert bashorati
Shou-biznes
Shahzoda Garri va Megan Markl qirollik saroyidagi hayoti haqida hikoya qiluvchi filmni taqdim etadi