Italiyada qor ko‘chkisi ostida qolgan mehmonxonadagi qurbonlar soni 18 nafarga yetdi

Italiya markazidagi Gran-Sasso tog‘li hududida joylashgan Rigopiano di Farindola mehmonxonasi qor ko‘chkisi ostida qolishi oqibatida halok bo‘lganlar soni 18 kishiga yetdi, deb xabar beradi “Korrespondent.net”.

Oldinroq tabiiy ofat tufayli 14 kishi o‘lgani bildirilgandi.

Qutqaruvchilar vayronalar ostidan ayol kishining jasadini chiqarib oldi. Hozirda yana 11 kishi bedarak yo‘qolganlar ro‘yxatida qolmoqda.

Qor ko‘chishi vaqtida mehmonxonada bo‘lgan 30 kishidan vayronalar ostidan chiqarib olingan 9 kishi, shu jumladan, 4 nafar yosh bola omon qolgan. Shuningdek, halokat sodir bo‘lishidan biroz oldin mehmonxonadan chiqib ketgan ikki kishi ham tirik qolgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.