Yahoo! kompaniyasi asosiy biznesini Amerikaning Verizon Communications kompaniyasiga sotish bo‘yicha oldi-sotdi bitimi 2017-yilning ikkinchi choragida yopilishini ma’lum qildi, deb yozadi “Vedomosti”. Avvalroq tomonlar oldi-sotdi bitimini birinchi chorakda imzolashi taxmin etilgan edi.
Ammo Yahoo! ommaviy xakerlik hujumlari alomatlari aniqlangani haqida ikki marta xabar berishga majbur bo‘lgach, oldi-sotdi amalga oshishi bo‘yicha shubhalar ham uyg‘ongan edi. Bunday xakerlik hujumlaridan biri natijasida 1 milliarddan ziyod foydalanuvchining ma’lumotlari qo‘lga kiritilgan bo‘lishi mumkin.
23-yanvar kuni esa Yahoo! kompaniyasining o‘zi choraklik hisobotini taqdim etish bilan birga, Verizon bilan oldi-sotdi yakunlanadigan muddatni e’lon qildi. Ta’kidlanishicha, hisobot natijalari bozor kutganidan yaxshiroq bo‘lib chiqqan. Shuningdek, hisobotga ko‘ra, kompaniya har ikkala xakerlik hujumlari oqibatlarini bartaraf etishga 10 million dollarga yaqin mablag‘ sarflagan.
Izoh (0)