Amirlik yig‘inida ishtirok etayotgan O‘zbekiston milliy terma jamoasini Gruziyaga qarshi o‘rtoqlik o‘yinida “Paxtakor” posboni Aleksandr Lobanov sardor sifatida boshlab chiqdi.
O‘FF matbuot xizmati Gruziyaga qarshi maydonga tushishi kerak bo‘lgan O‘zbekiston milliy terma jamoasining boshlang‘ich tarkibini e’lon qilganida, unga Lobanov sardorlik qilishi ko‘rindi. Tarkibdan “Paxtakor”ning yetti nafar futbolchisi joy olgan. Qayd etish kerak, “Paxtakor” O‘zbekiston Oliy ligasini “Lokomotiv”, “Bunyodkor”, “Nasaf” va “Buxoro” klublaridan keyin 5-o‘rinda yakunlagandi.
Chempionatni “Paxtakor”dan oldingi o‘rinlarda tugatgan to‘rt klubning boshlang‘ich tarkibdagi umumiy ulushi ham “Paxtakor”nikidan kam bo‘lgan. Unda “Bunyodkor”dan Eldor Shomurodov va Otabek Shukurovni, “Lokomotiv”dan esa Marat Bikmayev hamda Islom To‘xtaxo‘jayevni ko‘rish mumkin.
Terma jamoa himoya chizig‘ida Islom To‘xtaxo‘jayevga faqatgina “paxtakorchilar” yordam beradi: Azim Ahmedov, Stanislav Andreyev va Davron Hoshimov. Maydon markazida Javohir Sohibov, Jamshid Iskandarov kabilar bor. Hujum Igor Sergeyevga ishonib topshirilgan.
Kecha — 22-yanvar kuni Samvel Babayan jamoasi Daniya olimpiya terma jamoasiga imkoniyatni boy bergandi.
Izoh (0)