Angliya Premyer-ligasida mavsumning 22-tur bellashuvlari intixo topdi. Turning 21-yanvar kuni bo‘lib o‘tgan 7 ta o‘yini bilan shu havola orqali tanishish mumkin.
Yakshanba oqshomida mamlakatning amaldagi chempioni “Lester” navbatdagi yirik mag‘lubiyatini qabul qilib oldi. Angliyaning janubiga tashrif buyurgan “tulkilar” o‘z darvozasidan javobsiz 3 ta gol o‘tkazib yubordi.
London klublari uchun yakshanba omadli keldi. “Arsenal” qiyin kechgan o‘yinda “Byornli”ni taslim qilib, turnir jadvalida 2-o‘ringa ko‘tarilib oldi. Bellashuvni boshqarib borgan Jonatan Moss “to‘pchilar” a’zosini 2-taym o‘rtalarida maydondan chetlatdi, shuningdek, qo‘shimcha daqiqalarda 2 ta penalti belgiladi.
Diyego Kostaning qaytishi “Chelsi”ga naf keltirdi. “Aristokratlar” mazkur g‘alabadan keyin eng yaqin ta’qibchisidan 8 ochkoga o‘zib ketdi.
Angliya Premyer-ligasi 22-tur bellashuvlari 22-yanvar, yakshanba
“Sautgempton” — “Lester” 3:0
Gollar: Jeyms Uord-Prouz, 26 (1:0). Jey Rodriges, 39 (2:0). Dushan Tadich, 85-pen (3:0).“Arsenal” — “Byornli” 2:1
Gollar: Shkodran Mustafi, 59 (1:0). Andre Grey, 93-pen (1:1). Aleksis Sanches, 97-pen (2:1).Chetlatish: Granit Jaka, 65 (A).“Chelsi” — “Xall Siti” 2:0
Gollar: Diyego Kosta, 45+7 (1:0). Geri Kexill, 81 (2:0).
Izoh (0)