Britaniya IIV: IShID mamlakatga kimyoviy qurol bilan hujum uyushtirishi mumkin

IShID guruhi, agar imkon topsa, Buyuk Britaniyada kimyoviy qurol yordamida hujum uyushtirishi mumkin. Bu haqda mamlakat ichki ishlar vaziri Ben Uolles The Sunday Times nashriga gapirib berdi, deb xabar qiladi “TASS”.

“Ularda oddiy fuqarolarga qarshi kimyoviy quroldan foydalanishda ham hech qanday axloqiy to‘siq bo‘lmaydi. Agar ular uddalasa, buni mamlakatimizda amalga oshirar edi. Bu holda qurbonlar soni o‘ylaganimizdan ham mudhishroq darajada bo‘lar edi”, — dedi vazir.

Uolles yaqinda Marokash xavfsizlik kuchlari tinch aholiga nisbatan kimyoviy va biologik qurol qo‘llashni rejalashtirgan guruhni qo‘lga olganini eslatib o‘tdi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.