Iroq OPEK kelishuvi doirasida 2017-yil 1-yanvardan neft qazib olishni kuniga 210 ming barrelga kamaytirishga tayyor. Bu haqda mamlakat neft vaziri Jabbor al-Loibiy ma’lum qildi, deya xabar beradi “TASS”.
“Bag‘dod OPEK va tashkilotga a’zo bo‘lmagan yirik ishlab chiqaruvchi davlatlar o‘rtasidagi kelishuvlarga rioya etadi. Biz dunyo neft bozori barqarorligi, ortiqcha xomashyo qisqartirilishiga intilmoqdamiz. Kelishuvga erishilgani e’lon qilinganidan beri neft bahosi oshib borayotgani to‘g‘ri yo‘nalishda harakat qilayotganimizdan dalolat beradi. Tomonlar unga to‘liq amal qilsa, neft narxi barreli uchun 60 dollarga yetadi”, — deya ta’kidladi Al-Loibiy.
Ma’lumot uchun, Iroq OPEKdagi xomashyo ishlab chiqarish hajmi bo‘yicha ikkinchi davlat hisoblanadi. Noyabrda mamlakatda sutkasiga 4,56 million barrel neft qazib olingan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)