Londonning “Chelsi” klubi a’zosi Sesk Fabregas yiliga 31 million yevro maosh olish taklifini rad qildi. “TASS” xabariga ko‘ra, Xitoy klublaridan biri unga shunday taklif bilan chiqqandi.
Ma’lumot uchun, Xitoyning “Xebey Chayna Fortun” klubi argentinalik Esyekel Lavessini oyiga 2,5 million yevrodan to‘lash sharti bilan olib kelgandi. Bunda futbolchining yillik maoshi 30 millionni tashkil qiladi.
Xitoy chempionatida O‘zbekiston milliy terma jamoasiga a’zo bo‘lgan Anzur Ismoilov va Yegor Krimets ham to‘p suradi. O‘tgan hafta so‘nggida “Shandong Luneng” futbol klubi milliy terma jamoa sardori Odil Ahmedovni o‘z safiga qo‘shib olish istagini bildirib, “Krasnodar”ga 8 million yevro taklif qilgandi.
Izoh (0)