O‘zbekistonda yil sayin yuqori tibbiy texnologiyalar yordamida davolanishga muhtoj bemorlar soni o‘sib bormoqda. Tibbiy yordam izlab xorijga yo‘l olayotgan bemorlar orasida AQSh, Germaniya va Isroil klinikalari bilan bir qatorda Turkiya ham mashhur yo‘nalishlardan biriga aylandi. Sog‘liqni saqlash sohasidagi islohotlar bu mamlakatni dunyo tibbiyotidagi yetakchi pog‘onalarga ko‘tardi va endilikda har yili butun dunyodan 3,5 million kishi davolanish uchun aynan Turkiyaga tashrif buyurmoqda.
O‘zbekiston aholisini sifatli tibbiy xizmatdan tashqari Turkiyaning geografik jihatdan yaqinligi va hamyonbop narxlari ham jalb qiladi. Turkiyada davolanish Yevropadagi tibbiy muolajalarga nisbatan byudjetni 50 foizga qisqartirish imkonini yaratadi. Mijozlarning katta qismi o‘z tanlovini Acibadem xususiy klinikalar tarmog‘ida to‘xtatadi. Bu klinikalar tarmog‘i chorak asrdan buyon yetakchi pozitsiyalarni munosib egallab turibdi.
Acibadem tibbiy muassasalar tarmog‘i onkologik kasalliklar, neyrojarrohlik, ortopediya, kardiologiya, ginekologiya va boshqa yo‘nalishlarda keng ko‘lamdagi xizmatlarni taqdim etadi. Bugungi kunga kelib, dunyoning 5 mamlakatida, asosan Turkiyada Acibadem tarkibida 21 yuqori texnologiyali klinika va 17 poliklinika faoliyat yuritadi. Ularning har biri eng yangi uskunalar bilan jihozlangan va xalqaro standartlarga muvofiq xizmat ko‘rsatadi. 20 mingga yaqin xodim, jumladan 2 mingdan ortiq tajribali shifokor har kuni butun dunyodagi yuzlab kishilarning hayotini saqlab qoladi.
Acibadem’dagi robotlashtirilgan texnikalar jarrohlik operatsiyalarini millimetrigacha aniq amalga oshirish imkonini beradi. Organizmga eng aniq tashxis qo‘yishda esa kasallikni boshlang‘ich davridayoq aniqlashga yordam beruvchi zamonaviy diagnostik uskunalardan foydalaniladi. Radiojarrohlik tizimlari yaqin-yaqingacha nooperabel hisoblangan o‘simtalarni davolashga imkon beradi. Bu, birinchi navbatda, inson organizmining murakkab sohalarida paydo bo‘lgan katta o‘simtalardir. Operatsiyaning bunday turi qon ham, iz ham qoldirmaydi, zero operatsiyalar ochiq jarrohlik aralashuvisiz o‘tkaziladi.
Acibadem – bu navbat poylab o‘tiriladigan shifoxona emas, qulay infratuzilmali zamonaviy klinikalar tarmog‘idir. Bu yerda har bir xona bemorlarning xavfsizligi va qulayligini ko‘zlab loyihalashtirilgan. Acibadem xalqaro markazida taxminan 150 nafar xodim xorijiy mijozlar va ularning oila a’zolarini o‘z ona tillarida iliq kutib olishni ta’minlaydi. Xorijiy bemorlarning kelgan kunidan to vataniga qaytguniga qadar to‘liq xizmatlar spektri ko‘rsatiladi – shifokor maslahati, davolash vaqtida ularni qo‘llab-quvvatlash, aeroportda kutib olish va hattoki mehmonxonani band qilish. Har bir bemor, jinsi va yoshidan qat’i nazar, g‘amxo‘rlik va ishonchli parvarishga loyiq!
Shuni ta’kidlash joizki, Acibadem klinikalaridagi tibbiy xizmat ko‘rsatish sifatining yuqori darajada ekanligi nufuzli “JCI birlashgan xalqaro komissiyasi” tomonidan tasdiqlangan. Ushbu komissiya tibbiy xizmat ko‘rsatishda xalqaro standartlarni ishlab chiqadi va butun dunyo miqyosida ularga rioya qilinishini nazorat qiladi. JCI’ning nufuzli akkreditatsiyasiga dunyoning atigi 600 klinikasi, jumladan Acibadem ham ega.
Har bir shifokor faoliyatida doimiy izlanish va ko‘nikmalarni takomillashtirish muhim rol o‘ynaydi. Shu bois Acibadem xoldingi bazasida xususiy universitet ochilgan bo‘lib, u ilmiy-tadqiqotlar olib borish va tibbiy personalning professional tayyorgarligi bilan shug‘ullanadi.
Acibadem mutaxassislarining ko‘p yillik tajribasi hattoki eng og‘ir kasalliklarni davolashning uddasidan chiqishga yordam beradi, eng muhimi – imkon qadar tezroq harakat qilish.
Siz Acibadem mutaxassislarining bepul mustaqil onlayn-maslahatini olishingiz mumkin. Buning uchun o‘tkazilgan tekshiruvlar natijalari bilan birga shaxsiy tibbiy hujjatlaringizni yo‘llashingiz zarur. Shifokorlar kasallik tarixini o‘rganib chiqishadi va sizga kasallik, uni davolash va buning uchun Turkiyaga tashrif buyurish zarurati borasida o‘z xulosalarini bayon qilishadi.
Acibadem klinikasining O‘zbekistondagi vakolatxonasi:Manzil: Toshkent shahri, Oqqo‘rg‘on ko‘chasi, 33-17Telefon: +99895 144 54 45
Reklama huquqi asosida
Izoh (0)