4-dekabr kuni bo‘lib o‘tgan saylovda Shavkat Mirziyoyev O‘zbekiston Prezidenti etib saylangani munosabati bilan xorijiy davlatlar va hukumatlar, xalqaro tashkilotlar rahbarlari, xorijiy mamlakatlarning taniqli jamoat arboblaridan samimiy tilaklar bildirilgan qutlovlar kelmoqda. Qutlovlar matnini O‘zA keltirdi.
O‘zbekiston Respublikasining saylangan Prezidenti
Shavkat Mirziyoyev Janobi Oliylariga
Janobi Oliylari!
Siz, Janobi Oliylarini O‘zbekiston Respublikasi Prezidenti etib saylanganingiz munosabati bilan chin dildan muborakbod etishga ijozat bergaysiz.
Bugungi kungacha Siz Janobi Oliylari O‘zbekiston Respublikasining Bosh vaziri sifatida mamlakatning ichki siyosatini boshqarib keldingiz. Janobi Oliylari, Sizning rahbarligingizda O‘zbekiston yanada jadal taraqqiyotga erishadi, bu o‘z navbatida butun Markaziy Osiyo mintaqasining barqarorligi va farovonligiga ulkan hissa bo‘lib qo‘shiladi.
Birinchi Prezident Islom Karimov tashabbusi bilan Yaponiya va O‘zbekiston o‘rtasida diplomatik munosabatlar o‘rnatilganidan buyon ikki tomonlama aloqalarimiz do‘stlik va o‘zaro qulaylik muhitida davom etmoqda. O‘zbekistonga o‘tgan yilgi tashrifim davomida Siz Janobi Oliylari meni samimiy kutib olganingiz va butun tashrif davomida hamrohlik qilganingiz men uchun ulkan sharaf bo‘ldi. Yapon harbiylari mangu qo‘nim topgan maskanni ziyorat qilish, Navoiy nomidagi teatrga tashrif, xotira konsertida ishtirok etish tashrifimni juda boyitdi va shaxsan menda unutilmas taassurot qoldirdi. Shu munosabat bilan Sizga yana bir bor samimiy minnatdorligimni izhor etishga ruxsat bergaysiz. Siz Janobi Oliylari bilan yaqin hamkorlikda mamlakatlarimiz o‘rtasidagi mavjud do‘stona munosabatlarni yanada rivojlantirish tarafdoriman. Bundan tashqari, biz “Markaziy Osiyo + Yaponiya” muloqoti doirasida butun Markaziy Osiyo bilan hamkorlikni rivojlantirishga tayyormiz.
Siz Janobi Oliylariga mustahkam sog‘lik va ulkan muvaffaqiyatlar, O‘zbekiston xalqiga baxt va farovonlik tilab qolaman.
Samimiy ehtirom bilan,
Sindzo Abe,Yaponiya Bosh vaziri
O‘zbekiston Respublikasining saylangan Prezidenti
Shavkat Mirziyoyev Janobi Oliylariga
Janobi Oliylari!
Siz O‘zbekiston Respublikasi Prezidenti etib saylanganingiz munosabati bilan eng ezgu tilaklarimni yo‘llashdan mamnunman.
Sizning ishonchli g‘alabangiz O‘zbekiston xalqi rahbarlik qobiliyatingizga qat’iy ishonchidan dalolatdir. Bu Sizning uzoqni ko‘zlagan rahbarligingizda O‘zbekiston Respublikasi ijtimoiy-iqtisodiy taraqqiyotda erishgan ulkan yutuqlarning e’tirofidir.
Pokiston va O‘zbekistonni qardoshlik va do‘stlik munosabatlari bog‘lab turadi. Mamlakatlarimiz ko‘p yillar davomida keng doiradagi masalalar bo‘yicha o‘zaro aloqalarning yuksak darajasiga erishgan. Ishonamanki, yaqin va samimiy munosabatlarimiz xalqlarimiz va mamlakatlarimiz manfaatlari va farovonligi yo‘lida yanada mustahkamlanib boraveradi.
Fursatdan foydalanib, Siz Janobi Oliylariga mustahkam sog‘lik va ulkan zafarlar, O‘zbekiston xalqiga tinchlik, rivojlanish va farovonlik tilayman.
Janobi Oliylari, Sizga bo‘lgan yuksak ehtiromimni qabul qilgaysiz.
Mamnun HusaynPokiston Islom Respublikasi Prezidenti
O‘zbekiston Respublikasining saylangan Prezidenti
Shavkat Mirziyoyev Janobi Oliylariga
Muhtaram Prezident Janoblari!
Polsha xalqi va shaxsan o‘z nomimdan Sizni O‘zbekiston Respublikasi Prezidenti etib saylanganingiz munosabati bilan samimiy muborakbod etaman.
Polsha O‘zbekistonda, shu jumladan, keyingi oylarda Sizning rahbarligingizda iqtisodiyotni va jamiyatni isloh etish borasida amalga oshirilgan ishlarni hurmat bilan qayd etadi. Janob Prezident, Sizga O‘zbekistonda barqarorlik va xavfsizlikni yanada mustahkamlash va aholi hayot darajasini yuksaltirishdagi ishlaringizda muvaffaqiyatlar tilayman.
Polsha o‘zaro hamkorligimizni yanada mustahkamlashdan manfaatdor. Shu munosabat bilan 2017-yilda Polsha – O‘zbekiston Iqtisodiy hamkorlik bo‘yicha hukumatlararo komissiyasining navbatdagi majlisi bo‘lib o‘tishi hamda ushbu majlis o‘zaro iqtisodiy munosabatlarimizning holati va istiqbollarini muhokama qilish uchun yaxshi imkoniyat bo‘lishiga umid qilaman.
Sizga joriy yil 9-noyabrda yo‘llagan maktubingiz va oliy darajadagi tashriflar almashish to‘g‘risidagi taklifingiz uchun minnatdorlik bildiraman. Janob Prezident, O‘zbekiston Respublikasi va uning xalqi farovonligi yo‘lidagi mas’uliyatli faoliyatingizda ulkan muvaffaqiyatlar va mustahkam sog‘lik tilagan samimiy istaklarimni qabul qilgaysiz.
Hurmat bilan,
Andjey Duda,Polsha Respublikasi Prezidenti
O‘zbekiston Respublikasining saylangan Prezidenti
Shavkat Mirziyoyev Janobi Oliylariga
Muhtaram Shavkat Miromonovich!
Sizni O‘zbekiston Respublikasi Prezidenti saylovidagi g‘alabangiz bilan chin dildan muborakbod etaman. Siz erishgan muvaffaqiyat O‘zbekiston xalqining mamlakatdagi tinchlik, farovonlik va taraqqiyot yo‘lini izchil davom ettirishga qat’iy qaroridan dalolatdir.
Armaniston — O‘zbekiston o‘rtasidagi davlatlararo munosabatlarga yanada jadal sur’at bag‘ishlashdan Armaniston manfaatdor ekanini tasdiqlayman. Ishonamanki, o‘zaro aloqalarimiz salohiyatini to‘la ro‘yobga chiqarish xalqlarimiz va mamlakatlarimiz manfaatlariga xizmat qiladi.
Siyosiy muloqot, savdo-iqtisodiy va gumanitar aloqalarni rivojlantirish maqsadida Sizni, muhtaram Shavkat Miromonovich, Armaniston Respublikasiga rasmiy tashrif buyurishingizni taklif etaman.
Hurmatli Shavkat Miromonovich, Sizga yuksak davlat lavozimidagi faoliyatingizga muvaffaqiyatlar, O‘zbekiston xalqiga tinchlik va farovonlik tilayman.
Ehtirom bilan,
Serj Sargsyan,Armaniston Respublikasi Prezidenti
Shuningdek, quyidagilar o‘z tabriklarini yo‘llagan:
Afg‘oniston Islom Respublikasi hukumati Ijroiya kengashi raisi — doktor Abdulla Abdulla
Rossiya Federatsiyasi Federal Majlisi Federatsiya Kengashi Raisining o‘rinbosari — Ilyas Umaxanov
Rossiya Federatsiyasi Davlat Dumasining Xalqaro ishlar bo‘yicha qo‘mitasi raisi — Leonid Slutskiy
“Rossiyskiye jelezniye dorogi” OAJ prezidenti, MDHga a’zo davlatlar Temir yo‘l transporti bo‘yicha kengashi raisi — Oleg Belozerov
Yevropa Parlamenti deputati — Xerbert Dorfmann
Nagoya universiteti prezidenti — Seichi Matsuo
“Lukoyl” neft-gaz kompaniyasi prezidenti — Vagit Alekperov
“Boing — fuqarolik samolyotlari” kompaniyasi prezidenti va bosh ijrochi direktori, “Boing” korporatsiyasi vitse-prezidenti — Reymond Konner
Umumiy kasaba uyushmalari Konfederatsiyasi bosh kotibi — Vladimir Shcherbakov
“Klaas” kompaniyasi kuzatuv kengashi raisi — Katrina Klaas Myulxoyzer
“Klaas” kompaniyasi boshqaruvi a’zosi — Yan-Xendrik Mor
“Mir” davlatlararo teleradiokompaniyasi raisi — Radik Batirshin
Qutlovlar kelishi davom etmoqda.
Izoh (0)