Bosh vazir qabulxonasiga “Ipak yo‘li” bankiga garov uchun naqd holatda qo‘yilgan pulini olishda muammoga duch kelayotgan fuqarodan murojaat kelib tushdi.
Fuqaro joriy yil 29-sentabrida bankning Chilonzor filialiga garov puli tariqasida 3 million so‘m qo‘ygan. Oradan 2 oy o‘tib mazkur mablag‘ini qaytarib olmoqchi bo‘lganida summa to‘liq plastik kartaga o‘tkazib berilishi, uni naqdlashtirish uchun 12 foiz, ya’ni 360 ming so‘m olib qolinishi bildirilgan. Shikoyatchi pulini to‘liq va naqd holatida olishda yordam so‘rab, 30-noyabrda qabulxonaga murojaat etdi.
Qabulxona tomonidan ushbu masala ko‘tarilgach, 2-dekabr kuni arizachi bankka taklif etildi va muammo joyida hal etildi. Fuqaro mazkur bankka hech qanday e’tirozi yo‘qligini bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)