Afg‘oniston Islom Respublikasi prezidenti Muhammad Ashraf G‘ani Shavkat Mirziyoyevni O‘zbekiston prezidenti etib saylangani munosabati bilan tabrik yo‘lladi. Bu haqda O‘zA xabar bermoqda.
Afg‘oniston rahbariga ko‘ra, ushbu mas’uliyatli lavozimga saylangani O‘zbekiston xalqi Shavkat Mirziyoyevga va uning mamlakatni rivojlantirish dasturiga ishonchidan dalolat beradi.
“Mushtarak madaniy va diniy qadriyatlarga ega bo‘lgan Afg‘oniston va O‘zbekiston xalqlari mavjud umumiy tahdidlarga qaramasdan, o‘zaro do‘stlik va birodarlik aloqalarini saqlab, bir-birlarini himoya qilib kelmoqda.
Men mamlakatlarimiz o‘rtasidagi hamkorlik aloqalarining hozirgi kundagi rivojidan bag‘oyat xursandman va ushbu munosabatlarning to‘g‘ridan-to‘g‘ri muloqotlar orqali hamda mintaqaviy va xalqaro tashkilotlar doirasida yanada mustahkamlanishi tarafdoriman”, — deyiladi tabrikda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)