Alisher Usmonov birinchi marta Shveysariyaning eng boy insonlari ro‘yxatiga kirdi

Shveysariyaning Bilan jurnali mamlakatning 300 eng boy insoni ro‘yxatini e’lon qildi. Unga birinchi marta USM Holdings’ning asosiy aksiyadori, rossiyalik milliarder Alisher Usmonov kirdi. Bu haqda “RBK” xabar bermoqda.

Vo kantoni fuqarosi bo‘lmish Alisher Usmonovning boyligi 12–13 milliard Shveysariya frankiga (11,8–12,8 milliard dollar) baholanmoqda. U jurnal tuzgan ro‘yxatga kirgan yangi ishtirokchilar orasida eng katta davlat sohibiga aylandi.

Shuningdek, ro‘yxatga yana bir rossiyalik biznesmen — “Renova” direktorlar kengashi raisi Viktor Vekselberg kirdi.

Birinchi o‘rinni Ikea asoschisi Ingvar Kampradning oilasi 45 milliard dollar ko‘rsatkichi bilan egalladi.