BMT Xavfsizlik Kengashi a’zolari Shimoliy Koreya hukumati 2016-yil sentabrida o‘tkazgan beshinchi yadro sinovi tufayli, KXDRga qarshi yangi sanksiyalar kiritishni ko‘zda tutuvchi rezolyutsiya loyihasini bir ovozdan tasdiqladi, deb yozadi “RBK”.
BMT bosh kotibi Pan Gi Mun ushbu qarorni ma’qulladi va uni KXDR xalqaro majburiyatlarini bajarib, gij-gijlashlarga barham berishi kerakligi haqidagi “ochiq-oydin maktub” deb atadi.
KXDRga qarshi iqtisodiy sanksiyalar birinchi navbatda Shimoliy Koreyadan BMT mamlakatlariga ko‘mir eksportini cheklashga qaratilgan. Bundan tashqari, cheklovlar, shuningdek, mis, nikel, kumush va rux eksportiga ham taalluqli. BMT rezolyutsiyasi Pxenyanga vertolyotlar va kemalar sotishni ham taqiqlaydi.
Diplomatik sanksiyalar esa qator xususiy kishilar va tashkilotlarning BMTga a’zo mamlakatlar hududiga kirishini cheklash bilan bog‘liq. Ushbu ro‘yxat yana o‘nlab xususiy kishilar va tashkilotlar nomlari bilan to‘ldirildi.
Izoh (0)