Saudiya Arabistoni hukumati mamlakat farovonlik fondiga 27 mlrd dollar o‘tkazib berishi ma’lum qilindi

Saudiya Arabistoni hukumati investitsiyalarni diversifikatsiya qilish maqsadida mamlakatning Public Investment Fund (PIF) farovonlik fondiga 100 milliard riyol (salkam 27 milliard dollar) o‘tkazib beradi. Bu haqda “Interfaks” xabar bermoqda. 

Oldinroq Saudiya Arabistoni rasmiylari PIF’ni asosan ichki maqsadlarga mo‘ljallangan jamg‘armadan 2 trillion dollar aktivga ega global davlat fondiga aylantirish rejasini e’lon qilgandi. 

Shundan so‘ng PIF Uber taksi xizmatiga 3,5 milliard dollar kiritdi. SoftBank Group (Yaponiya) tomonidan tuzilayotgan texnologik fondga 45 milliard dollargacha yo‘naltirish va’da qilindi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.