“Paxtakor” futbol klubi Kolumbiyada aviahalokatga uchragan “Shapekoense” jamoasi yaqinlariga hamdardlik bildirdi
Toshkentning “Paxtakor” futbol klubi 29-noyabrga o‘tar kechasi Kolumbiyada aviahalokatga uchragan “Shapekoense” jamoasi yaqinlariga hamdardlik bildirdi. Bu haqda klub matbuot xizmatining Twitter’dagi sahifasida ma’lum qilindi.
“‘Paxtakor’ klubi ‘Shapekoense’ jamosining halokatga uchrashidan chuqur afsusda. Ibodatlarimiz jamoa a’zolari va oilalari bilan birga”, – deyiladi xabarda.
Avvalroq Kolumbiyada bortida 72 yo‘lovchi hamda 9 nafar ekipaj a’zosi bo‘lgan samolyot halokatga uchragani, uning ichida futbol bo‘yicha Braziliya A seriyasida harakat qilayotgan “Shapekoense” klubining 27 futbolchisi bo‘lgani xabar qilingandi.
So‘nggi ma’lumotlarga ko‘ra, Kolumbiyadagi aviahalokat oqibatida qurbon bo‘lganlar soni 75 kishiga yetdi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
