26-noyabr kuni O‘zbekistonning ayrim hududlarida qor yog‘di. “O‘zgidromet” markazi axborotiga ko‘ra, faqat Qoraqalpog‘iston Respublikasi, Xorazm, Buxoro va Navoiy viloyatlarida yog‘ingarchilik kuzatilmagan.

27-noyabrga o‘tar kechasi O‘zbekistonda yog‘ingarchilik qayd etilmadi. Qayd etishlaricha, ba’zi joylarga tuman tushgan.

26-noyabr kuni O‘zbekistonning yirik shaharlari va viloyat markazlarida havo haroratining eng yuqori ko‘rsatkichi shunday bo‘ldi: Samarqandda -5 daraja sovuq, Navoiy, Qarshida -3 daraja sovuq, Toshkent, Buxoro, Jizzax, Namangan, Farg‘onada -2 daraja sovuq, Termiz, Andijonda -1 daraja sovuq, Gulistonda 0 daraja, Nukus, Urganchda +2 daraja iliq.

27-noyabrga o‘tar kechasi O‘zbekistonning yirik shaharlari va viloyat markazlarida havo haroratining eng past ko‘rsatkichi shunday bo‘ldi: Jizzaxda -13 daraja sovuq, Toshkent, Samarqand, Gulistonda -12 daraja sovuq, Andijonda -11 daraja sovuq, Qarshi, Termizda -10 daraja sovuq, Urganch, Buxoro, Navoiy, Namanganda -9 daraja sovuq, Farg‘onada -8 daraja sovuq, Nukusda -7 daraja sovuq.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.