Ukraina sobiq prezidenti Viktor Yanukovich Qrimning Ukrainadan ajratilishi — “bu yomon” deb hisoblaydi. Bu haqda u matbuot anjumanida aytib o‘tdi, deb yozadi “RBK”.
Yanukovich ushbu masalani Rossiya prezidenti Vladimir Putin bilan muhokama qilganini tan oldi. “Men bu mavzuda Vladimir Vladimirovich Putin bilan suhbatlashganman. Bu uning inson sifatida, Rossiya fuqarosi sifatida, vatanparvar sifatidagi pozitsiyasi. Bu hurmatga loyiq”, — deya ta’kidladi sobiq prezident.
Uning aytishicha, Qrimdagi kayfiyatning radikallashuvi Maydon chog‘ida “niqob kiygan sotqinlar” qrimliklar o‘tirgan sakkizta avtobusni o‘qqa tutgani bilan bog‘liq. “Bitta avtobus portlab ketdi. Ko‘plar halok bo‘ldi… (referendumda) qabul qilingan qaror esa hech qanday shubha uyg‘otmaydi”, — dedi Yanukovich.
Viktor Yanukovich Ukrainani 2014-yilda Kiyevdagi Maydonda norozilik harakati ishtirokchilari otib tashlanganidan keyin tark etgan edi. O‘shandan buyon u Rossiya hududida yashirinib yuribdi.
Izoh (0)