Rustam Azimovning virtual qabulxonasi, seriyali ishlab chiqariladigan Ravon R4, Zlatan Ibrahimovichning haykali va kunning boshqa qiziqarli yangiliklari

22-noyabrning e’tiborga molik yangiliklari — “Daryo”ning kechki dayjestida.

1. Shvetsiyada Zlatan Ibrahimovichning haykalini o‘rnatish rejalashtirilmoqda. Haykal Shvetsiya terma jamoasiga tegishli Friends Arena yaqinida o‘rnatilishi rejalashtirilmoqda.

2. BMT Taraqqiyot dasturi loyihasi doirasida Toshkent viloyatida to‘rtta meteostansiya o‘rnatiladi. Mazkur tashabbusdan ko‘zlangan maqsad axborot texnologiyalarini qo‘llash, dehqonchilik jarayonlarini avtomatlashtirish, xo‘jalik boshqaruvi va rejalashtirishini maqbullashtirish orqali qishloq xo‘jaligi samaradorligini oshirishdan iborat.

3. Chempionlik poygasida mag‘lub bo‘lgan “Bunyodkor” raqibi “Lokomotiv”ni “chempionlik devori” bilan qarshi oladi. Mazkur ikki klub chempionlik uchun 29-turga qadar raqobat olib bordi va unda “Bunyodkor” imkoniyatni boy berdi.

4. Moliya vaziri Rustam Azimovning virtual qabulxonasi ochildi. Bu yerda tegishli elektron forma orqali jismoniy va yuridik shaxslarning murojaatlari qabul qilinadi.

5. Ravon R4 avtomobillarini seriyali ishlab chiqarishga kirishildi. Asakadagi avtozavodda MDH mamlakatlari bozori uchun mo‘ljallangan Ravon R4 avtomobillarini seriyali ishlab chiqarishga kirishildi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.