Yaponiya sobiq qurolli mojaro tumanlarini minasizlashtirish ishlarini o‘tkazish uchun Kolumbiyaga 1 milliard iyena (9 million dollar atrofida) ajratadi. Bu haqda Perudagi Osiyo-Tinch okeani iqtisodiy hamkorlik sammitida bosh vazir Sindzo Abe va Kolumbiya prezidenti Xuan Manuel Santos uchrashuv yakunlari bo‘yicha Yaponiya TIV ma’lum qildi, deb yozadi “TASS”.
Yaponiya, shuningdek, mamlakatdagi tinchlik jarayonini qo‘llab-quvvatlashga va’da berdi. Bunga javoban Kolumbiya prezidenti Yaponiya hukumatini ko‘rsatilayotgan yordam uchun minnatdorlik bildirdi.
Tomonlar, shuningdek, iqtisodiy hamkorlik masalalarini muhokama qildi va tegishli bitimlarni imzolash haqidagi muzokaralarni faol ilgari surishga kelishib oldi.
Izoh (0)