Futbol bo‘yicha Albaniya va Isroil terma jamoalari o‘rtasidagi JCh–2018 turniriga saralash bosqichi doirasidagi o‘yin terakt xavfi tufayli Albaniyaning Shkoder shahridagi stadiondan Elbasan shahridagi arenaga ko‘chirildi. Bu haqda “Panorama” gazetasiga tayanib, “TASS” xabar bermoqda.
Xabarda qayd etilishicha, bir necha kun avval Albaniya maxsus xizmati xodimlari isroillik hamkasblarining tavsiyasidan so‘ng bo‘lajak o‘yin vaqtida Shkoderdagi stadionda bomba portlatishni rejalashtirishda gumon qilinayotgan 4 kishini qo‘lga oldi.
Shu munosabat bilan Yevropa futbol ittifoqi (UEFA) uchrashuvni boshqa shaharga ko‘chirishga qaror qildi.
Izoh (0)