Indoneziyada yuk samolyoti radarlardan g‘oyib bo‘ldi

Indoneziyada bortida 4 kishi bo‘lgan yuk samolyoti radarlar ekranidan g‘oyib bo‘ldi. Bu haqda Indoneziya transport vazirligiga tayanib, “Interfaks” xabar bermoqda.

Xabarda qayd etilishicha, Kanadaning De Havilland Canada kompaniyasi tomonidan ishlab chiqarilgan harbiy-transport samolyoti yarim soat davom etishi kerak bo‘lgan parvoz davomida aviadispetcher bilan aloqani yo‘qotdi.

Ta’kidlanishicha, havo kemasi Timika (Yangi Gvineya oroli)dan Ilaga (Papua provinsiyasi)ga parvozni amalga oshirayotgan edi.

Ayni vaqtda g‘oyib bo‘lgan samolyotni qidirish ishlari olib borilmoqda.