Xitoy ijtimoiy tarmoqlari iPhone 7 smartfonining kuchsiz signali va qo‘ng‘iroqlar davomida aloqadagi shovqin haqidagi shikoyatlar bilan to‘ldi. Bu haqda Bloomberg agentligi ma’lum qildi, deb yozadi “Interfaks”.
Apple smartfonining egalari yangi smartfonlar kutish rejimida kirish qo‘ng‘iroqlarini qabul qilmasligini ta’kidlamoqda, shuningdek, Apple’ning yordam ko‘rsatish xizmatini tanqid qilmoqda.
Weibo mikrobloglar platformasida foydalanuvchilar iPhone 7’ning bu kabi muammolariga duch kelganlarga 4G tarmog‘idan voz kechib, sekinroq bo‘lsa-da 3G tarmog‘iga o‘tishni maslahat bermoqda.
Xitoy Apple mahsulotlari sotiladigan eng yirik bozor bo‘lib, kompaniya daromadining 20 foizdan ortig‘ini ta’minlaydi.